Con esta hoz é un libro que alberga varios libros en si mesmo e ofrece múltiples lecturas. Samuel Merino preséntanos un poema horizontal fragmentado por un ensaio poético. Ao igual que a fouce é unha ferramenta para a sega, a escrita de Samuel córtase a si mesma e desprende as súas espigas ofrecendo importantes floracións.

Este libro é unha viaxe cara a atrás e cara a diante na que se poden percorrer varios camiños que, aínda que atravesen a mesma paisaxe, sempre sorprenderán ao nos ofrecer unha perspectiva diferente.